Bir qədər də cəhd elə, səbrini zorla,

Sus, əgər uçacaqsansa uçurumdan

Sükutda başlayanlar sükutla bitsin

Ən pis ehtimal - suda qərq olacaqsan...

Sən ki üz çevirməzdin doğan günəşdən

Bir kərə geri döndün bu sərgüzəştdən

Kimsə də atlamadı heç ardınca, bax

Təkcə elə sənmişsən bu yolu gedən

Səmadan zillənmişəm göy okeana,

Dalğalar çırpılmaqda qayalıqlara

Dalmasam ən dibinə bu dərinliyin,

Qanadlana bilmərəm ucalıqlara

Anidən çəkildi yer ayağım altdan

Ürəyimdə etiraz, azca tərəddüd,

Çox gecdir, atılmışam, məni gözləmə

Nə təsəllim var daha, nə də bir ümid