QARABAĞ
İlkin Abbas tərəfindən "Şeir" bolməsinə 22:35 10 fevral 2015 tarixində əlavə olunmuşdur

Tapdaq altındadır yurdum, vətənim,
Yaman sızıldayır elim, Qarabağ!
Acizəm, nə edim, bağışla məni,
Yetişmir əlinə əlim, Qarabağ!

Mənim doğma yurdum, elim, Vətənim,
Bir dəfə səslə sən gəlim, Vətənim,
El obam, çəmənim, çölüm, Vətənim,
Torpağın qoxlaram gülüm, Qarabağ!

Sənlə qovuşarıq, darıxma, bir vaxt,
Düşmən qura bilməz torpağımda taxt,
Gedər başın üstdən bu duman, bu baxt,
Ürəklə söyləyər dilim-Qarabağ!

Nə qədər sürəcək bu nalə, bu ah?
Ahı yerdə qoymaz o Qadir Allah,
Gedəcəm döyüşə əlimdə silah,
Həsrətdən ağarıb telim, Qarabağ!

Sən gör bu İlkini bir igid kimi,
Xainlik etmərəm mən yezid kimi,
Arzum var mənim də bir şəhid kimi,
Can verim yolunda ölüm, Qarabağ!

Müəllif İlkin Abbas


... dəfə oxunub
Qiymət verilməyib...
[qiymət ver ]
Şərh yaz
2+18=
Hesaba giriş
Müəllif

İlkin Abbas
Haqqında
Abbasquliyev İlkin Qadir oğlu ( İlkin Abbas ) 1993-cü il Dekabr ayının 8-də Naxçıvan şəhərində Ziyalı ailəsində anadan olmuşdur. Onun ədəbiyyata olan böyük marağı hələ orta məktəb illərindən başlanmış, zaman keçdikcə şeiriyyat aləminə olan sevgisi güclənmişdir. Şair 2000-ci ildə Naxçıvan şəhər Afiyəddin Cəlilov adına 12 saylı orta məktəbin birinci sinfinə daxil olmus, 4 illik ibtidai təhsilini orada aldıqdan sonra, Naxçıvan şəhər Hüseyn Cavid adına 5 saylı orta məktəbə dəyişilmişdir. Onun "ANA DİLİ" adlı ilk şeiri 2010-cu ildə yazılmış və "TƏK SƏBİR" qəzetində nəşr olunmuşdur. Bundan əlavə, gənc yazarın Şeirləri Vəhdət.org. , Shahbulaq.az, Turkbir.info, ədəbiyyat-az.com, Gundelik.info, dokkuziklim.net saytlarında dərc olunur və olunmaqdadır. Hazırda tələbədir, Subaydır. Hələ ki kitabı yoxdur.
Əlaqə
E-mail:
ilkin.abbas.90@hotmail.com
Sosial şəbəkə:
Facebook
YouTube-da izlə
Facebook
0.0359 saniye