Qarabağın bəxti qara.....
Qarabağın bəxti qara,
Sinəsində çarpaz yara.
Danışıqlar gedir hara?
Ya Rəb dərdə çarə yoxmu?
***
Torpaqlarım işğal altda,
Bir daş üstdə,bir daş altda.
Gecələri rahat yat da...
Ya Rəb,dərdə çarə yoxmu?
***
Vətən darda,biz hardayıq?
Hər gün gözdə-qulaqdayıq.
Elə bil ki,yuxudayıq,
Ya Rəb,dərdə çarə yoxmu?
***
Qaçqın düşdü obam,elim,
Bölündülər bölüm-bölüm.
Uzadıram,çatmır əlim,
Ya Rəb,dərdə çarə yoxmu?
***
Şəhid oldu Mübarizim,
Yeri harda kəndimizin?
Sürünərəm dizin-dizin,
Ya Rəb,dərdəçarə yoxmu?
21.04.2013.Zərdabi.(Mövlud Ağamməd)