Qayıd ay ürəyim, gənclik çağına,
Çırpın bir gözəlin eşqiylə hər an, 
Sevgi məktubunu göndər o qıza, 
Gəlməsin cavabı, səndə alış-yan.

Qayıd ay ürəyim, xoşbəxt illərə, 
Kədərsiz, qayğısız günləri yaşa. 
Ötməsin saatlar, Ötməsin illər. 
Elə o illərdə ömrü vur başa.

Qayıd ay ürəyim, cismimə qayıt, 
Ağlım yarla gedib, sən barı getmə.
Boğulma bu eşqin qəm sularında, 
Fikirlər qoynunda yox olub itmə.

Qayıd ay ürəyim, yenə sev-sevil, 
Bağlama qapını gələn qonağa.
Hər kəsi fəfasız bilib, tanıma, 
Əsil eşq əhlinə canım sadağa...