Qəm odunda yanmaq üçün
Aşiq oldum,pərvanəyəm.
İçdim meyi meyxanədə,
Xumar oldum,məstanəyəm.

Çox inandım vəfasına,
Dözdüm zülmü-cəfasına.
Yetmək üçün səfasına
Əhd etmişəm,peymanəyəm.

Qəmim pünhan,razi-diləm,
Möhtacıyam,dərdin biləm.
Məcnun deyir mənə aləm,
Çün dərdindən divanəyəm.

Mövlud,sevgi yalan imiş,
Ömür ah-zar,nalan imiş.
Kərəm oda yanan imiş
Mən qəlbi qan,viranəyəm.

12.11.2014 / Zərdabi

Mövlud Ağamməd