Nə günah işlədim mən bu dünyada,
Sevgidən bəxtimi kəm yazıb Allah.
Çoxunun ömrünə xoş gün yazanda, 
Mənimsə ömrümə qəm yazıb Allah.

Ömrüm boyu xoş gün nədi bilmədim, 
Ürəkdən sevinib, bir an gülmədim. 
Bircə gün gözümün yaşın silmədim, 
Əzəldən gözümə nəm yazıb Allah.

Hicran ayrılmadı, vüsal olmadı, 
Boşalan ürəyim bir də dolmadı.
Ömür sazım zil pərdədə qalmadı, 
Onu da yazanda bəm yazıb Allah.