Xəzan olmuş, gülüm solmuş, solan gültək mənəm, gerçək,

Əsir yellər, köçür ellər, qalan bir tək mənəm, gerçək.

***

Keçər günlər, didərginlər, itən kəslər, Vətən səslər,

Uçar ruhum, ölər qorxum, yalan-gerçək, mənəm gerçək.

***

Vətən tar-mar, elim bimar, mənəm salim, budur halim,

Dilər dərman, edər əyyan, olan bişəkk mənəm, gerçək.

***

Şuşam miskin, Laçın küskün, baxır məlul, tapılmır yol,

Əzizlərsən, nə gözlərsən? Yolan birçək mənəm, gerçək.

***

Qayıt yurdum, boyun burdun, özün çıx gəl,bir az dincəl,

Dayan, Mövlud, talanmış yurd, nolar, əl çək, mənəm gerçək.

Mövlud Ağamməd. 30.11.2019. Zərdabi.