Qəlbimdəki qəm-qüssəni əfğanə dəyişdim,
Vəslət qəmə yaddır deyə hicranə dəyişdim.
***
Aşiq çəkə bilməz qəmi, gər eyləsə aşkar,
Zahirdə çəkən dərdimi pünhanə dəyişdim.
***
Tərk eylədi dərdim məni səbrimlə bərabər,
Yusif kimi öz eşqimi zindanə dəyişdim.
***
Yar həsrəti çəkmək mənə qəmdən də betərdir,
Ondan da betər, dərdimi dərmanə dəyişdim.
***
Bir kimsə tapılmaz mənə lütf eyləyə, Mövlud,
Vaxt gözləmədən hökm ilə fərmanə,dəyişdim.

28.03.2018.Zərdabi. Mövlud Ağamməd.