QƏZƏL
Mövlud Ağamməd

Ol mənəm dillərdə dastan, yerlə yeksan, viranam,
Hər günüm çün ahu-nalan, çeşmi-giryan, büryanam.
***
Kim deyər ki, əhli-dərdəm, dərdə hər dəm həmdəməm,
Hər dəmim qəm, oldu məlhəm, dərdə dərman dövranam.
***
Ol deyib Ol, oldu ləfzim, Oldu əslim, təsliməm,
Təndə canam, külli-nəfsim, ismi pünhan, bürhanam.
***
Nuri-həqdir səcdəgahım, çox günahım, Allahım,
Kəbə qibləm- qibləgahım, xətmi- Quran, insanam.
***
Vaxtdı, Mövlud, bitdi həsrət, yetdi vəslət, rahətəm,
Et şəhadət, qıl şəfaət, çox pərişan, nöqsanam.

Mövlud Ağamməd.14.12.2019. Zərdabi.