Qismətdən gileyliyəm, bu qismətə nə deyim...

Mən ilahi yaradan qulam sənin yolunda,

Allahdan  tək diləyim  olam hər an yanında,

Sənə qurban özüm də,sənə qurban canım da

Qismətdən gileyliyəm, bu qismətə nə deyim...

Taleyin yazısıyla barışım, barışmayım,

Hansı üzlə işinə qarışım, qarışmayım,

Qalmışam tək çarəsiz danışım,danışmayım

Qismətdən gileyliyəm bu qismətə nə deyim...

Sən uzaqda qalsan da qəlbimdə yaxındasan,

Cismimdə, ruhumdasan , hər zaman canımdasan,

Mən səni çox sevirəm,qəlbimdə,bağrımdasan

Qismətdən gileyliyəm bu qismətə nə deyim....

Seymurun ürəyində qal əbədi deyirəm,

Sevgi dolu ürəyə eşq məbədi deyirəm.

Həyatımın mənası bir tək sənsən deyirəm,

Qismətdən gileyliyəm,bu qismətə nə deyim?

MÜƏLLİF:SEYMUR SÖNMƏZ PAŞAYEV

22.05.2019