Ağlama taleyin tərs yazısına,
Qəm yemə,ürəyin qübar bağlayar.
Sıxılma həyatın hər əzabına,
Gedənlər gedəcək,de,kim saxlayar?

Demə ki,dostum var,düşmənim yoxdur,
Naxələf adamlar dünyada çoxdur.
İkrahla deyilən söz sanki oxdur,
Ürəyə sancılar,sinə dağlayar.

Qəzavü-qədərdən sənə bir ümid
Yoxdursa,umunu,küsünü unut.
Bədəsil kəslərin,görəsən,Mövlud,
Öləndə gözünü kimlər bağlayar?

Zərdabi / 15.09.2013
Mövlud Ağamməd