Qeyrətsizə birdən gələ qeyrət, qudurar da

Namərd olana eyləsən hörmət, qudurar da

Hər bir kəsə et diqqəti hər an qədərincə,

Gər artıq ola etdiyin diqqət, qudurar da

Kim keçdi başa müftə yeyən eşşəyə döndü,

Yedikcə yedi pul-para, rüşvət, qudurar da

Şöhrət üçün əxlaqını, qeyrətini satdı.

Yoxdur ki abır çəksin xəcalət, qudurar da

Dövran elə gəldi dəvəyə verdi qanadlar,

Görməmiş olan görüncə şöhrət qudurar da

İndi çoxu söylər ki, bu millət qudurubdur.

Ac mədəyə sahib olan, əlbət, qudurar da

Cinan, bu həyata daha sən olma ümidvar,

Hər kim ki nəfs üçün çəkər əziyyət, qudurar da