Mən dəniz olsaydım, dalğalarımla

Yuyardım qəlblərin günahlarını.

Ahu-naləsini qeybə çəkərdim

Sahilə atardım savablarını.

Mən dəniz olsaydım, sərin mehimlə

Dolardım, dolardım nəfəsinizə.

Çoşqun sularımda üzən gəmitək

Sizi ağuşuma alardım tək-tək.

Mən dəniz olsaydım, qoymazdım bir can

Batsın sularımda, batsın yalnızca.

Mavi sularımı yelkən edərdim

Qayıqtək üzərdim sahil boyunca.

Eh … dəniz olsaydım, dəniz olsaydım

Mən nələr edərdim, nələr edərdim.

Bütün kainatın, bəşəriyyətin

Sevinc, kədərini məndə bölərdim.

İMZA: İLHAMƏ