Dünyaya gələn gündən,
Yorulmadan çalışır.
Hər zəhmətə qatlaşıb,
Min əzaba qarışır,
Rəbbimə qalxan əllər.

Görüşüb salam verir,
Hər tanıdıq görəndə.
Qorxusundan dilənir,
Tənbəl olanda bəndə,
Rəbbimə qalxan əllər.

Qarda ,qışda,boranda,
Hər havada çalışır.
Cəkib dünya mülkünü,
Odda ,közdə alışır,
Rəbbimə qalxan əllər.

Sərəncam imzalayıb,
Min bir bəyanat verir.
Qatil cinayətkara,
Ölüm hökmünü kəsir
Rəbbimə qalxan əllər.

İşarəylə havada ,
Azadlığa səsləyir.
Qorxaq,namərd ruhunu
Şok içindən, dur deyir,
Rəbbimə qalxan əllər.

Bağ-bağçalar,becərir,
Mer-meyvə,toxum əkir.
Bir yetim görəndə də,
Başına sığal çəkir
Rəbbimə qalxan əllər.

Cismimi dəstamazla
Namaza oyandırır.
O öz şükran borcuyla.
Ruhumu nurlandırır.
Rəbbimə qalxan əllər.
Rəbbimə qalxan əllər.

Müəllif : Şəfa PİRİYEVA