Ağla... Bir-iki damcı göz yaşının ziyanı olmaz
Bax gör necə ağlayır buludlar, halbuki ölməyib tanrı.
Sanki tez qocalmışam, qabar olub əllərim
Ancaq güzgülər eynidir, daxili aləm görünmür.
Necə maraqsız gülürsüz
Elə bircə gülüşüvüz insanı öldürür.
Tez yoruluruq, tükənirik
Çılpaq ruhumuzu heç əzizləməyimiz gəlmir.
Həkimlər tanrı, tanrı həkim
Bu gün onların sözündən çıxmalıyıq.
Lənət olsun, rəngli həqiqətlər göy qurşağı kimi
Qadınlar aldadıcı, hər şey gözəl görsəndikcə aldanırıq...