Bu gün biraz kədərli gördüm səni
Elə bil ki, gülüşlərivi oğurlamışdılar.
Bəs saçlarıvı niyə kəsmisən?
Bircə demə ki, özgə əllər toxunmuşdu saçlarıma.

Gəl otur, mənə biraz rənglərdən danış
Məsələn, xoşbəxtliyin rəngini de, çünki mən unutmuşam.
Bilirsən, bu gün səhər kədər dağılmışdı üzərimə
İndi məndə sənin kimi, kədərin istisini hiss edirəm.

Hara gedirsən saçsız qadın?
Bax görürsən günəş batır, otur indi sənə şeir dəmliyəcəm.
İstəyirsən qal burda, qollarım var üşümərsən
Amma mən üşüyəcəm, çünki sənin saçların yoxdur...