Adınla başlayıb adınla bitər...
Hər duam, hər andım, hər arzum mənim...
Xoşbəxt olmaq üçün tək adın yetər...
Payızda doğulan, ey Yazım mənim...

Payızda doğuldum, payızda sevdim
Payızda doğulan bahar çiçəyin
Ömrüm bahar oldu payız çağında
Tanrım uzaq etsin payız küləyin...

Ruhum xəyalınla qanadlananda
Göylərin sərhəddi tükənir onda
Ürək sevincindən döyünüb durur...
Əllər də sevinir səndən yazanda...

Gülüşün dərmandır, mənəm xəstəsi
Sənsən zümzüməmin şirin bəstəsi
Dilim nə deyirsə nə fərqi var ki,
Tək səndən danışır ruhumun səsi