bir gün mən də öləcəyəm
sonra sən də öləcəksən.
o dünyaya gedəcəyəm
Sonra sən də gələcəksən.
hərənin öz imtahanı,
sənə ayrı, mənə ayrı.
sənə kömək eliyərdim!
neynələyək ki, sualları
əvvəlcədən bilmək olmur..
iki dəfə ölmək olmur,
nə ölümdən dönmək olmur...
dönüb sənə sualları
bircə-bircə pıçıldayım.
cəhənnəmlik olsam belə,
mələklərdən sənin üçün
sualları oğurlayım...
ya da, ya da sövdələşim
savabımla günahını dəyişdirim
ya da söküm sərhədini
cənnət ilə cəhənnəmi birləşdirim...
Sən susursan...
orda susmaq kömək olmur
Sakit, səsiz yaşasan da
Sakit səsiz ölmək olmur...

©Bir dəlinin gündəli(li)yi