Səadətimə
(İlk sevdiyimin toyunu təbrik edirəm)

O gecə hamının gülürdü üzü,
Gülməyən sən idin,bilmirəm nədən.
Toy da sənin idi,şadlıq,sevinc də,
Sənsə əl çəkmirdin düşüncələrdən.
****
Salıb ürəyinə qüssə,qəmləri,
Özünə gəlmirdin,dərdin böyükdü.
Yadına saldıqca ötən günləri
Deyirdin ən şirin ilk məhəbbətdi.
****
Gecdir artıq, sən ki ilk məhəbbətin
Qədrini bilmədin,itirdin onu.
Yıxıldın yolunda sən səadətin,
Başa çatdırmamış bitirdin onu.
*****
O gecə hamının gülürdü üzü,
Təkcə sən fikirli,kədərli idin.
Sən qədəm qoyurdun yeni həyata
Qədrini bilməyib ilk məhəbbətin.

10.06.1980.Axalkalaki.Mövlud Ağamməd.