Səbir et, hər şər dediyin işdə xeyir rahı olar.

Necə ki tar gecənin nurlu bir sabahı olar.

Sən öz əqlinə güvən ki, nəfsini ram edəsən,

Nəfsə qul şəxslərin, əlbət, böyük iştahı olar.

Uyma dünyaya bir an da düşün hərdən sonunu.

Yemə məzlum malını, məzlumun Allahı olar.

Üz çevir əhli-bəşərdən fəqət Xaliqə yönəl,

Xaliqə yar olanın Xaliq də pənahı olar.

Cinan cananə görə ruhunu qurban elədi,

Hər iki dünyada o sevginin tək şahı olar.