sən qəmli kloun,

sifətin rəngarəng,

həyatın, amma, bir rəng.

güldürürsən uşaqları, insanları,

böyük auditoriyaları.

çəkiləndə təkliyə,

maskaların silinir,

çizgilərin bilinir.

sən qəmli kloun,

gözləri nəmli kloun.

güldürmür həyat səni,

gözləmir saat səni,

zamanın vurur heçliyə,

ümidin yoxdur heç nəyə.

iki dünya yaşayırsan,

birində güldürüb,

o birində ağlayırsan.

sən qəmli,

gözləri nəmli kloun.