Qəlbinin atəşi - odu sönübdür,
Dağ boyda bir sevgi niyə enibdir?
Deyirsən, ürəyin daşa dönübdür,
Mən belə sevməyi səndən öyrəndim. 

Mənimsən deyirdin, bitdimi eşqin?
Sevdiyi ünvana yetdimi eşqin?
Yollarda azdımı, itdimi eşqin?
Mən belə sevməyi səndən öyrəndim 

Qəlbimin özünün vardı bir yükü,
Gəlişin eylədi bu yükü iki.
Neynirdim sənintək ortaq - şəriki?
Mən belə sevməyi səndən öyrəndim.