Verilibdirsə mənə bax belə fürsət, sənə nə?

Yeyirəm şamu-səhər müftə kabab, ət, sənə nə?

Bilirəm, etməliyəm xalqıma xidmət, amma ki,

Edirəm nəslimə, həm özümə xidmət, sənə nə?

Söz açıb vicdanı, insanlığı soxma gözümə,

Çəkmirəm zərrə qədər abır-xəcalət, sənə nə?

Pul ilə bəlli olur insanın mənlik dəyəri,

Bu səbəbdən alıram bolluca rüşvət, sənə nə?

Sanma, Elnur, sözünü anlamayan haqqa gələr,

Deyəcəklər: "Bizə xoşdur bu cəhalət, sənə nə?"