SƏNƏ TOXUNANDA
***
saçların toxunanda qollarıma,
sinirlərim yuxuya gedir.
hiss edirəm səni mən,
beynim bir qoxuya gedir.

toxunanda əllərinə elə bilirəm ki,
uçurumun kənarında bir ağacın budağından yapışmışam,
xilaskarım o incə uzun barmaqların olur.
hər dəfə özüm-özümə sual verəndə,
səsin gəlir qulağıma,
cavabım dodaqların olur.

toxunanda üzüm üzünə,
dəniz laylasını,sərinliyini,
baxanda gözlərinə,
dəryaların dərinliyini duyuram.

batıram...
özümü itirib yeni bir sən tapıram.