SƏNƏ ÜRƏYİMİ GƏTİRMİŞƏM AL

Fevralın on dördü,axşam çağında, 
Görüşək əzizim sevgi bağında, 
Hədiyəm varımdı bir bağlamada, 
Nə ipək,nədə ki baş örtüyü şal. 
Sənə ürəyimi gətirmişəm al!

Hüsnü camalına sözlərim çoxdur, 
Qeyri birisində gözlərim yoxdur, 
Gedişin qəlbimə sancılan oxdur, 
Nolar birazcada otur, getmə, qal. 
Sənə ürəyimi gətirmişəm  al! 

Eşqimin bağında gül açmış çiçək, 
Dərdimi unutdum üzünü görçək, 
Ay bu yoldan ötən ,bizə şəkil çək!
Baxınca bir  zaman xatirənə sal. 
Sənə ürəyimi gətirmişəm al. 

Gəl bura nişanə qoşa iz qoyaq, 
Adımızın baş hərfin silinməz yazaq, 
Əhd edək əbədi peyman bağlayaq, 
Gül üzlü gözəlim,dodaqları bal. 
Səni ürəyimi gətirmişəm al.

Gündüz günəşim ol, gecə ayım ol!
Ruhumun əkizi, ömür payım ol,
Yaraşıb Seymura, mənim tayım ol!
Həsrət acıdırsa , şirindir vüsal,
Sənə ürəyimi gətirmişəm, al!

MÜƏLLİF:SEYMUR SÖNMƏZ PAŞAYEV