səni basdıracam şerlərdə, sözlərdən məzar tikəcəm,

kəfənin cümlələr olacaq.

fikirlərimdən sənə güllər hörəcəm,

amma onlar bir gün solacaq.

səni basdıracam şerlərdə,

ağ vərəqlər üstünə dağıdacam saçlarını.

hərdən bir sığal çəkib, qıracam qanadlarını.

səni basdıracam şerlərdə, üstünü qəmlə örtəcəm,

açıq qalsa gözlərin,

toxunub qələmlə örtəcəm.

səni basdıracam şerlərdə,

yas tutacam uzun zaman

ölüb unudulacaqsan içimdə, hər saniyə keçən zaman.

səni basdıracam şerlərdə