Səni məndən kim ayırdı

Ay bivəfa,söylə görüm,
Səni məndən kim ayırdı?
Yolunda can qoyduğum yar,
Səni məndən kim ayırdı?
***
Qarğışım çox günahkara,
Mən olmuşam bəxtiqara.
Eşqin yolu döndü hara?
Səni məndən kim ayırdı?
***
Ağlamaqdır indi peşəm,
Yaman yerdə ilişmişəm.
Axı kimə nə etmişəm,
Səni məndən kim ayırdı?
***
Baş tutmadı söhbətimiz,
Yox arada hörmətimiz,
Əcəl oldu qismətimiz-
Səni məndən kim ayırdı?
***
Mövlud,sıxır məni hicran,
Yox dərdimə dava-dərman.
Dad əlindən fələk,aman,
Səni məndən kim ayırdı?

15.02.1984.Zərdabi.(Möövlud Ağamməd)