Sevəndən

Alışıb yandı könüllər nədənsə yarı sevəndən,

Əritdi ömrünü bağban vurulub, barı sevəndən.

İnlətdi sinəsində o köklənmiş incə telləri,

Düşüb ardınca süründü kamança, tarı sevəndən.

Aldı qəm üstünü hey eşqə düşən bağça-bağların,

Saraldı çöhrəsi göy heyvaların, narı sevəndən.

Qəlblər imdad diləyib ağlayanda güldü təbiət,

Dedi, dondum mən özüm də bu soyuq, qarı sevəndən.

Belə eşqim deyə gəl çox özünü öymə Mübariz,

Soldu, heç gülmədi bəxtin sənin də, yarı sevəndən.