Gəl, bərabər çıxaq
buludlardan pilləkənlə sonsuzluğa.

Gəl, birlikdə ovunduraq
hərarəti sönmüş qəlbimizi
Və bərabər ağlayaq. 
Kirpiklərimiz islandıqca qəlbimiz durulsun.
Yanaqlarımızda eşq cığırı açılsın. Sənin sevgin
mənim sevgimin əlindən tutub özüylə aparsın.

Gəl, birlikdə aldadaq dünyanı.
Qayıdacağıq deyib çox uzaqlara gedək.
Təkcə ümidlərimizi çıxaraq çamadanımızdan,
geridə qalsın hər nə varsa. Sənin sevgin
mənim sevgimə eşq elan etsin.

Saçlarıma endir ulduzları,
Ay ışığında sevişək,
dənizin evində
mehtab yaradaq toxunuşlardan.
Səhər günəşi öpsün sevgimizi
Və rüzgarla rəqs edək sonsuzluqda.

Sənin sevgin
mənim sevgimin adı olsun...        

Aysel Ateş Abdullazadə...