SifətlərMüxtəlif sifətlər-rəngləri qırmızı, ağ,qara,sarımtıl,boz, rəngi bilinməyən sifətlər.İkiüzlü,birüzlü,milyonüzlü sifətlər.Üzləri bilinməyən sifətlər.Sifəti bilinməyən sifətlər.Qəddar,amansız,yazıq,məzlum olan sifətlər.Göz yaşı içində boğulan,süni, saxta təbəssümlə rəqs eləyən sifətlər,sifətləri cırılmış sifətlər,yamaqlanmış sifətlər.Güzgüdə özünə baxaraq utanan sifətlər,həmin güzgünün sınmış,qırıq parçası ilə ozünü doğrayan sifətlər,öz sifəti ilə fəxr eləyən sifətlər,unudulmuş sifətlər,yaddaşlarda qalan sifətlər,heç olmayan,yoxluqda olan sifətlər.Var olmağa çalışan sifətlər.Sevgi ilə dost,dost ilə düşmən,düşməni ilə dost və xəyanət edən sifətlər.Rəssamın çəkə bildiyi va bilmədiyi sifətlər.Cizgiləri olan və olmayan sifətlər.Həyəcanlı,qorxulu,qorxusuz,çirkli,saf olan sifətlər.Maskalanmış sifətlər,maskası olmayan sifətlər,maskası yırtılmış sifətlər,gizlənmiş sifətlər,kəşf olunmayan sifətlər,tapılan sifətlər.Sifətlər var ki,keçmişdə qalıb,sifətlər var ki, bu günün sifətidir,sifətlər də var ki, gələcəyini gözləyir.Bəzən o, gəlir,gəldiyinə sevinir ya da ki peşman olur.Peşman olan sifətlər,sevinən sifətlər.Fahişə sifətlər,pulla alınan sifətlər,satılan sifətlər,öz sifətlərini göstərməyə çalışan və çalışmayan sifətlər.Yağışda ağlayan,günəşdə gülən sifətlər.Tox və ac olan sifətlər.Küləyin sovurduğu sifətlər.Tor basmış sifətlər,hörümçəklə yaşayan sifətlər.Sifətlər var ki,əsl insandır,sifətlər var ki əsl heyvandır,sifətlər də var ki,nə heyvandır,nə insan.Sadəcə sifət olan sifətlər,sümük və dəridən ibarətdir,bu sifətsiz sifətdir.Heç bir şeyləri duya bilməyən sifətlər.Parçalanan sifətlər,parçalayan sifətlər,yırtıcı və yem olan sifətlər,yaşayan,ölən sifətlər.Lənətlənmiş və ruhuna səcdə olunan sifətlər.Məhkum və azad sifətlər,bədbəxt və xoşbəxt sifətlər,yaralı sifətlər,qanadlanan sifətlər,uçan sifətlər,sürünən sifətlər,gəzən sifətlər,hərəkətdə olmayan sifətlər,donmuş sifətlər,soyuq sifətlər.Sifətlər görmüşəm ki, metro və avtobus dayanacaqlarında gözlədiyin tək şey ümid olub,ümidi gözləyən sifətlər,ümid şəmi sönən sifətlər.Soyuq olan sifətlər.Sifətlər də var ki,hər nə olursa olsun yırtılmır,hər an öz sifətində gəzir.Sifətlər görmüşəm ki,özünü unudub başqalarının sifətində gəzir.Öz yolunda olmayan sifətlər.Özgə sifətlər,yad olan sifətlər.Bakirə sifətlər,qanla dolu olan sifətlər.Qansız sifətlər.Öz sifətlərinin qarşısına hasar çəkən sifətlər.Fəhlə sifətlər,yekəqarın sifətlər..İylənən sifətlər,öz ətri ilə bihuş olan sifətlər.Qoca,cavan sifətlər.Uşaq sifətlər.Sevilən,nifrət edilən sifətlər.Tanrını tanıyan və ateist olan sifətlər.Allahın üz çevirdiyi sifətlər.Tüpürülən sifətlər.Silinmiş sifətlər.Brilliyantla örtülən sifətlər.Palçıqla hörülmüş sifətlər.Nur saçan sifətlər,işıq verən sifətlər,qaranlıq sifətlər və sonda ölü olan sifətlər.Yaşadığımız hər an hansısa “rəssam” tərəfindən bizim üz cizgilərimizə öz ştrixlərini atır.O ştrixlər bizim sifətimizdə əks olunur.Sifətlərimiz hər an göz qabağındadır və əks olunur.”Ştrixlər”inizi gizlətməyin.Hər kəs öz sifətində olsa,maskalara da ehtiyac olmaz.
Bəs sizdə hansı sifətdir?
