Sol gözümə çöp düşüb
Yusif Nazim Ərəbsoy tərəfindən "Şeir" bolməsinə 12:27 04 fevral 2015 tarixində əlavə olunmuşdur

Sol gözümə çöp düşüb

 

Min ömür də sənsizliyi toplasam,

bir saniyə sənli anım düzəlmir.

Şəhadət də gətirməyi unutdum,

səni düşünməsəm, yuxum da gəlmir.

 

Göylərin də ulduzları yox olub,

bircəciyi görünməyir bu gecə.

Bağışlanma fürsəti var, yubanma,

yuxuma gəl, günahını yu gecə.

 

Hər adamın əli çatmır ölümə,

quyu dərin, lap dibinə ip düşüb.

Bu təkliyin bir adı var - məhəbbət!

Ağlamıram, sol gözümə çöp düşüb.

 

Yusif Nazim Ərəbsoy


... dəfə oxunub
Qiymət verilməyib...
[qiymət ver ]
Şərh yaz
8+10=
Hesaba giriş
Müəllif

Yusif Nazim Ərəbsoy
Haqqında
YUSİF NAZİM ƏRƏBSOY (Məmmədov Yusif Ağaəhməd oğlu, “Nazim” - nəzmə çəkən, şeir yazan deməkdir) 1988 - ci il oktyabrın 10 - da Şamaxı rayonunun Ərəbqədim kəndində anadan olmuşdur. 1995 - ci il sentyabrın 1-də Qobustan rayon Göydərə kənd 9 illik əsas məktəbin 1 - ci sinfinə daxil olmuşdur. 2004 - cü ildə bu məktəbi bitirərək, orta təhsilini davam etdirmək üçün fizika-riyaziyyat və informatika təmayüllü liseyə qəbul edilmiş və 2006 - cı ildə bu məktəbin məzunu olmuşdur.  Bakı Slavyan Universitetinin “Yaradıcılıq” və Bakı Dövlət İqtisadiyyat və Humanitar Kollecinin “Mühasibat uçotu və audit” fakültələrini bitirmişdir.         Yaradıcılığa 14 - 15 yaşlarından başlayan Yusif Nazim Ərəbsoy əsasən, satirik mövzuda yazır. 2011 - ci ilin may ayında böyük satirik şairimiz M. Ə. Sabirin vəfatının 100 illiyinə həsr olunmuş “Satira və qəzəl” müsabiqəsinin fəxri diplomuna layiq görülmüşdür. 2015-ci ildə Azərbaycan Respublikası Prezidenti yanında "Bilik" fondunun "Vətənpərvərlik" mövzusunda ümumrespublika üzrə elan etdiyi müsabiqədə "Sərçə sevgisi" adlı şeiri 1-ci yeri qazanmışdır. "Şou dünya" adlı kitab müəllifidir. Kitabda müəllifin satiraları, sevgi və digər mövzuda yazdığı şeirləri, eləcə də aforizmləri çap olunmuşdur.          
Əlaqə
Tel.:
(070) 686 - 06 - 25, (050) 993-03-60
E-mail:
yusifnazim@mail.ru
Sosial şəbəkə:
Facebook
Ordenlər
Mirzə Ələkbər Sabir Ordeni
YouTube-da izlə
Facebook
0.0226 saniye