Sormagil əhvalımı,halım pərişan olmuşam,
Firqətin dərdin çəkib ağlar gözüm qan olmuşam.
***
Çarəsin axtarmagil qəmdən yanan bimarların,
Sanmışam onlar çəkən min dərdə dərman olmuşam.
***
Salmışam mehrim ,gülüm,heyran olub gül çöhrənə,
Ol səbəbdən qəm ilən bir təndə bir can olmuşam.
***
Etmədim eldən nihan, qəlb ağrıdan sirrim əyan
Ey könül,ayrılmışam ondan,qəriban olmuşam.
***
Keçmişəm candan yarın,billah,vəfasın görmədən,
Çoxdu dərdim,Mövluda,dillərdə dastan olmuşam.

31.03.2015.Zərdabi.Mövlud Ağamməd.