Gər eylərsə, nəzər dilbər mənə -divanədir- söylər.

-Eşq camını nuş eyləmiş əsl məstanədir- söylər.

Qəlbim eşqi-canan ilə elə bərbad olmuş, görən:

-Bu viranə viranədən dəxi viranədir- söylər.

Yanar şamu-səhər ruhum atəşi-eşq ilə mənim.

Məni pərvanələr görsə, mənə -pərvanədir- söylər.

O dildardan gələn qüssə sevincim, şadlığımdır, çün

Yar olmazsa, qəlb şadlığa -kədər, qəmxanədir- söylər.

Söz açma çox da eşqindən, Cinan, eşqi yaşan anlar,

O şəxslər ki, bixəbərdir, -bu bir əfsanədir- söylər.