SÖZ DÜŞMÜŞKƏN GÖZƏLLİKDƏN,GÖZƏLİM....

Söz düşmüşkən gözəllikdən,gözəlim,
Bəxtəvərdi səni alan,kim ola?
Gül əndamın başdan başa tamaşa,
Başqa məni dərdə salan kim ola?
*****
Üz yanında zərəfşandı tellərin,
Ağappaqdı zərif,incə əllərin.
Necə canım alıb şirin dillərin,
Halım bilib,xəbər alan kim ola?
***
Vurğunuyam sənin kimi dildarın,
Sən də Mövlud,olsun əhdin,ilqarın.
Görüm üzü dönsün zalım əğyarın,
Sənə məndən demiş yalan,kim ola?

3.09.2014.Zərdabi.Mövlud Ağamməd.