Söz verdinsə əməl elə sözünə.....

Söz verdinsə,əməl elə sözünə,
Dik baxasan insanların gözünə.
Halallığı şüar elə özünə,
Coşub-daşan ümman olub çağlama
***
Deməmisən,heç də demə yalanı,
Bağışlama səni dərdə salanı.
Yeyəcəkdir qabağından qalanı,
Namərd kəsi yeməyindən saxlama.
***
Çox dəyişib indi zaman,səbr elə,
Yaxşılığa etmə yaman,səbr elə.
Pislik etmə,çəkin hər an,səbr elə,
Asi olub sinələri dağlama.
***
Razı olma alçaq,nadan,filanlar,
Söyləsinlər haqqında çox yalanlar.
El içində biabır,xar olanlar,
Cəhənnəmdi yerin,qapı bağlama.
****
Mən demirəm,idealdı insanlar,
Mövlud,səni dərdə saldı insanlar.
İnsanlıq bəs harda qaldı,insanlar___
Cənnətindən qovulmusan,ağlama.

25.10.2014.Zərdabi.Mövlud Ağamməd.