Sözümnən ötürüm səni
Yusif Nazim Ərəbsoy tərəfindən "Şeir" bolməsinə 23:34 12 iyun 2014 tarixində əlavə olunmuşdur

Sözümnən ötürüm səni

 

...Get, sənin arxanca baxım,

Gözümnən ötürüm səni.

Sevgi şeri yazım sənə,

Sözümnən ötürüm səni.

 

Yoxdu sevginin niyəsi,

O Tanrının hədiyyəsi.

Gəl, ol könlümün yiyəsi,

Özümnən ötürüm səni.

 

Yanımda, solum ilə get,

Fikrində “qalım” ilə get.

Sən mənim yolum ilə get,

İzimnən ötürüm səni.

 

Ürək belə döyünməsin,

Gileylənib, deyinməsin.

Ayrılıq çox öyünməsin,

Əzmnən ötürüm səni.

 

Mən bu gedişə neyləyim?

Arxanca bir əl eyləyim?

Sənə nağılmı söyləyim,

Nəzmnən ötürüm səni?!

 

Göz yaşın suya düşməsin,

Su dərdin yuya, düşməsin...

Gedişin yaya düşməsin,

Közümnən ötürüm səni...

 

Yusif Nazim Ərəbsoy


... dəfə oxunub
Qiymət: 10/10(2 səs)
[qiymət ver ]
Şərh yaz
2+13=
Hesaba giriş
Müəllif

Yusif Nazim Ərəbsoy
Haqqında
YUSİF NAZİM ƏRƏBSOY (Məmmədov Yusif Ağaəhməd oğlu, “Nazim” - nəzmə çəkən, şeir yazan deməkdir) 1988 - ci il oktyabrın 10 - da Şamaxı rayonunun Ərəbqədim kəndində anadan olmuşdur. 1995 - ci il sentyabrın 1-də Qobustan rayon Göydərə kənd 9 illik əsas məktəbin 1 - ci sinfinə daxil olmuşdur. 2004 - cü ildə bu məktəbi bitirərək, orta təhsilini davam etdirmək üçün fizika-riyaziyyat və informatika təmayüllü liseyə qəbul edilmiş və 2006 - cı ildə bu məktəbin məzunu olmuşdur.  Bakı Slavyan Universitetinin “Yaradıcılıq” və Bakı Dövlət İqtisadiyyat və Humanitar Kollecinin “Mühasibat uçotu və audit” fakültələrini bitirmişdir.         Yaradıcılığa 14 - 15 yaşlarından başlayan Yusif Nazim Ərəbsoy əsasən, satirik mövzuda yazır. 2011 - ci ilin may ayında böyük satirik şairimiz M. Ə. Sabirin vəfatının 100 illiyinə həsr olunmuş “Satira və qəzəl” müsabiqəsinin fəxri diplomuna layiq görülmüşdür. 2015-ci ildə Azərbaycan Respublikası Prezidenti yanında "Bilik" fondunun "Vətənpərvərlik" mövzusunda ümumrespublika üzrə elan etdiyi müsabiqədə "Sərçə sevgisi" adlı şeiri 1-ci yeri qazanmışdır. "Şou dünya" adlı kitab müəllifidir. Kitabda müəllifin satiraları, sevgi və digər mövzuda yazdığı şeirləri, eləcə də aforizmləri çap olunmuşdur.          
Əlaqə
Tel.:
(070) 686 - 06 - 25, (050) 993-03-60
E-mail:
yusifnazim@mail.ru
Sosial şəbəkə:
Facebook
Ordenlər
Mirzə Ələkbər Sabir Ordeni
YouTube-da izlə
Facebook
0.0315 saniye