Tərcümə:Aybəniz Həsənova

Kilsə qülləsindəki saatın yanından keçərkən bir xeyli gecikdiyinin fərqinə vardı.Dərs kitablarını qoltuğunun altına sıxışdıraraq tənbəl-tənbəl yeriməkdən əl çəkib sürətini artırdı.Amma,çox keçmədən yenə fikrini dəyişdirdi.Yaz gününün günorta istisi onu tənbəlləşdirmişdi,əslində Yunan dili dərsinə vaxtında çatmağın çox da vacib olmadığını düşünürdü.Beləcə ağır addımlarla burum-burum istilik çıxan səkinin üstüylə məktəbə tərəf getməyə davam etdi.Məktəbə çatanda tam on dəqiqə gecikdiyini gördü,bir anlıq ağlından-görəsən geri dönsəm daha yaxşı olarmı-deyə bir fikir keçdi.Amma bu gün yemək stolunda ailəsindən eşitdiyi bezdirici nəsihətlərin davamı ilə qarşılaşmaq fikri elə təkanverici idi ki, qəti addımlarla sinfə doğru getdi,qapını sərt bir əl hərəkətiylə açdı. Ardı var...