Susqun
Mirzə Lazım tərəfindən "Şeir" bolməsinə 19:31 31 avqust 2019 tarixində əlavə olunmuşdur

Hər gecə köklənər səsinə qəlbim,
Doğan hər sabahım açılar susqun
Sənə yetmədikcə çılğınlığımın
İçimdə üsyanı ucalar susqun

Qıyılar gözləri düşəndə qürub,
Gəncliyi, şuxluğu hərdən unudub
Qəlbində sükutdan qalalar qurub
Bir şair gənc ikən qocalar susqun

İçdə çağladıqca arzum, niyyətim,
Hissləri ram edib tutmaq nə çətin...
Surətin qeyb olur, artır həsrətim
Sözlər boynubükük, hecalar susqun

Vərəqdə örtünər sözlərim səndən,
Baxmadım, yan ötdü gözlərim səndən,
Addım səslərimi gizlədim səndən
Sənə yol aldığım küçələr susqun

Gəzdinsə ruhumu sətirbəsətir,
Bəlkə sən deyəsən ki, sirri nədir;
Sevinclər həmişə şaqqanaq çəkir,
Həsrətlər, kədərlər, acılar susqun...


... dəfə oxunub
Qiymət: 10/10(1 səs)
[qiymət ver ]
Şərh yaz
8+20=
Hesaba giriş
Müəllif

Mirzə Lazım
Haqqında
Bir gün bütün balıqların günəşə qovuşması diləyi ilə...
Əlaqə
E-mail:
mirzelazim@gmail.com
Sosial şəbəkə:
Facebook
YouTube-da izlə
Facebook
0.0281 saniye