Tale cəkdi məni bu imtahana,

Qəliz bir düyünü aça bilmədim.

Cıxış tapammadım o yan-bu yana,

Qismətin əlindən qaça bilmədim.

Şirin pıçıltılar, odlu baxışlar

Könlümü aldadıb apardı mənim.

Mən uça bilmirdim xeyli vaxt idi,

Ayagımı yerdən qopardı mənim,

Mən elə bilirdim payız gəlibdi,

Mən unutmuşdum ki, hələ bahardı.

Qushların nəğməsi, güllərin ətri,

Sevilmək həvəsi hələ də vardı.

Çıxa bilməsəm də bu imtahandan,

Baharı duymağı öyrəndim yenə.

Hər şərdə bir xeyir var imiş, inan.

Ey Tanrım, bununçün şükürlər sənə!