Bir mavi gözlü gözəlsən səni mən,

Təsvir etməyə bir söz tapanmadım.

Yandırıb qəlbimə od qoymusan sən,

Daha ondan isti köz tapanmadım.

Gözlərim vuruldu mavi gözünə,

Onu görsəm qəlbim gələr yerinə,

Eşqi elan edəcəm indi sənə,

Eşqimi deməyə saz tapanmadım.

Səsini eşitdim yağış küləkdə,

Sənə tay tutulmaz hətta mələk də,

Bir ocaq qaladın sən bu ürəkdə,

Bu yanan ürəyə buz tapanmadım.

Eşq yıxdı Kərəm,Məcnun,Şeyx Sənanı,

O gözəllə bada verməm bir anı,

Axtardım cahanı,düzü-dünyanı,

Ey yar,səntək gözəl qız tapanmadım.