tapmışam

bir şəhər tapmışam,

yoxdur orada sənsiz küçələr

bir axşam tapmışam ,

yoxdur sənsizliyə açılan səhərlər.

tapmışam bir bəstəkar,

notlarında yoxsan sən.

yaxınlaşan musiqidə,

itib batmısan, çoxdan sən..

bir rəssam tapmışam ,

çəkir mənə sənsizliyi,

portretlər qışqırır,

unuduram səssizliyi.

bir qələm tapmışam,

yazmır səni sətirlərə.

vərəqlər yorğan tək örtülür,

qüssələrə,kədərlərə...

bir uşaq tapmışam,

cizgiləri mələk  kimi..

yoxdur onda yalanlar,

səndəki kələk kimi.