Tay tutma özünü günəşə, aya,
Demə ki ulduzlar göydə qısqanır,
Bir ulduz nə qədər parlaqdırsa da,
Dünyadan o qədər uzaqda yanır

Demə ki olmayıb qəmim, kədərim,
Həyat dənizində gəmim batmayıb,
Buludlar üzərində dolanma əbəs,
Tanrı ki, insanı quş yaratmayıb

Sinəni məğrurca, çıxartma önə,
Səndən də yüksəyə ucalan olar,
Düşünmə cavanam, gözələm hələ,
Zaman səndən xəbərsiz saçını yolar.

20.08.2017

Müəllif: Tural Rəhmanlı