Eşitdim evlənib ailə qurmusan, 
Əğyarın qəlbinə axıb, dolmusan. 
Sən indi özgəyə qismət olmusan, 
Çatmısan arzuna, təbriklər gülüm.

Bir məktub yazmısan mürəkkəb hicran, 
Demisən nə axtar, nə adımı an. 
Bəlkə də istədin kül olsun bu can? 
Çatmısan arzuna, təbriklər gülüm.

Şəkillər təsəllim olubdu indi, 
Həsrətin qəlbimə dolubdu indi, 
Qönçə xəyallarım solub du indi, 
Çatmısan arzuna, təbriklər gülüm.

Ruslanı qəlbindən nə tez çıxartdın? 
Qul edib özünə azmı yalvartdın? 
Köksündən ürəyin çəkib qopartdın-
Çatmısan arzuna, təbriklər gülüm.