Qanayar 

O yar məni tənha qoyub gedəndən,

Xəstə könlüm gecə-gündüz qanayar.

Bilirəm ki, günahım yox, heç nədən,

Salıb məni yaman dərdə, qana, yar.

Dedim, - eşqim bir çəməndir, gül üz, di...

Gedib bir yad baxçasından gül üzdü.

Niyə belə dönük olur gülüzlü?

Kaş bircə yol günahını qana, yar.

Ruslan, eşqin bütöv deyil, - yarıdı,

Bil ki, o qız indi özgə yarıdı...

Səndən  başqa kim sevdiysə yarıdı,

Söylə , qəlbim qan ağlayır, qan, a yar.