Çox tələsmə dağılmağa
dur, dağılma, dünyam hələ.
Nə yatmışam doyam da mən,
şipşirindi röyam hələ. 

Biz pozmuşuq düzənini,
bizim böyük səhvimizdir.
Qarışıbdı yer də, göy də
bu da bizim məhvimizdir. 

Qurduğumuz hər bir oyun
başımızın bəlasıdır.
Bəşər elə özü deyib,
yaxşıyla pis qalasıdır. 

Neçə illər yola salıb,
yorulubdur dünya, bəşər.
Ömürlük müxalif olmuş
var olandan xeyir və şər.