İtirmişəm hesabını günlərin,

Kor kimiyəm arasında küllərin

Hisslərimdən yanır dedin əllərin

Atəşini soyut dedin, soyutdum

Bu cəzamı, məhəbbətin özümü?

Necə tapım həsrətinə dözümü?

Mən xoşbəxtəm, mən gülürəm, özünü

Çox incitmə, ovut dedin, ovutdum

Sənlə sevdim uduzduğum qədəri

Sənlə hər dərd qum zərrəsi, ötəri

Qəzəbimi, əzabımı, kədəri

Mənə görə unut dedin, unutdum