Bir sevgi var ürəyimin içində,

Səbəbkarı, ünvanı da bəllidir.

Bu sevgini canan verib cana da,

Can sahibi, cananı da bəllidir.

Mənə təbi, ilhamı da O vermiş,

Hər sözümün əvvəli O, sonu O.

Məni ancaq olduğumtək O görmüş,

Ürəyimin döyüntüsü, canı O.

Onun kölgəsi var başımın üstə,

Qorxum yox şaxtadan, borandan, qışdan.

Məni həqiqətdən O xəlq eyləmiş,

Azmaram yolumu tərif, alqışdan.