Ürək
(Qəzəl)

İxtiyar sahibidir,nə istəsə,eylər ürək,
Ağlayanla ağlayar,gülən ilə gülər ürək.
***
Arzular qalaq-qalaq,ona qovuşmaq da çətin,
Arzuya çatmaq üçün min bir dilək dilər ürək.
***
Göz yaşına qərq olan görsə əgər bir kimsəni, 
Çıxarıb yaylığını onu o dəm silər ürək.
***
Taleyin hökmü ilə qismətinə düşən payı
Kədərə mübtəla olanla yarı bölər ürək.
***
Çətinə,dara düşəndə,Mövluda,qəm eləmə
Harada olsa yenə köməyinə gələr ürək.

20.2.1985.Zərdabi.Mövlud Ağamməd