Ürək kövrək,dilim,neylim,
Yanır,qalmır külüm,neylim.
Çatıb,əcəl,ölüm, neylim?
Çinaq(1) məndən incik düşüb.

Bu dözümün dözümü yox,
Bu kösövün közümü yox?
Qınamışam özümü,yox,
Qınaq məndən incik düşüb.

Qorxub elin qınağından,
Dərdə düşdüm sorağından.
Busə aldım dodağından,
Yanaq məndən incik düşüb.

Bürünmüşəm həsrətinə,
Dözəmmirəm möhnətinə.
Kim nə bilir,qisməti nə
Sınaq məndən incik düşüb.

Keçər,Mövlud,ağrı,acı,
Min dərdimin bir əlacı.
Mən olmuşam qəm möhtacı,
Çün haqq məndən incik düşüb.

------------------------------------
(1) səvab, xeyir mənasında..

24.11.2014 / Zərdabi
Mövlud Ağamməd