Baxıram carəsiz yollara hərdən,
Saçım ağarıbdı, olubdu dən-dən,
Carəsiz dərd tapdım onu görəndən.
Təyziqim aşağı, düz atmır nəbzim,
Ürəyim ağrıyır, ağrıyır həkim!

Yoxla, halım yaman pərişan olub,
Rəngim dəyişibdi, saralıb-solub,
Bir demir, soruşmur: “Sənə nə olub?”
Yolunda canımı sipər etdiyim,
Ürəyim ağrıyır, ağrıyır həkim!

Məhəbbət eylədi ömrümü yarı,
Bir dərman verginən, unudum barı,
Neynirəm vəfasız, insafsız yarı?
Keyit, nə hiss edim, nədəki bilim?
Ürəyim ağrıyır, ağrıyır həkim!

Carəsiz dərdlərə dərman varmıdır?
Yoxsa ki dərmanım nazlı yarmıdır?
Məkanım göymüdür, yoxsa yermidir?
Niyə bu dünyanı görmür gözlərim?
Ürəyim ağrıyır, ağrıyır həkim!

Seymuram, əlacsız eşqin oduna,
Yandım atəşinə, düşdüm badına,
Sən canı, ey təbib, yetiş dadıma,
Tab edə bilmirəm, yoxdur taqətim,
Ürəyim ağrıyır, ağrıyır həkim.